विश्व रेकर्डमा नाम लेखाउने चाहाना सबैलाई हुन्छ । तर यसका लागि मानिसहरुले हद् पार गरेर जे पनि गर्न तयार भएपछि के हुन्छ ? उनीहरुका अचम्मका रेकर्डका बारेमा सुन्दा जोकोही पनि आश्चर्यमा पर्ने गर्छन् ।
२०१५ मा युक्रेनकी यी महिलाले १४ सेकेन्डमै आफ्ना दुवै तिग्राका बीचमा राखेर तीनवटा खरबुजा फुटाएकी थिइन् ।
सन् २००० मा अमेरिकाका डिन सेल्डनले १८ सेकेन्डसम्म मुखमा ७ इन्च लामो बिच्छु राखेर रेकर्ड राख्न सफल भएका थिए ।
सन् २०१३ मा ब्रिटेनका ९३ वर्षीय वृद्धले स्कटल्यान्ड देखि आयरल्यान्डसम्म प्लेनको पङ्खामा उभिएर यात्रा गरि रेकर्ड बनाएका थिए ।
फ्रान्सका माइकल नामक व्यक्तिले १८ वटा साइकल, १५ वटा ट्रली, ७ वटा टिभी, ६ सिलिन्डर , २ वटा खाट र एउटा कम्प्युटर खाएर गिनिज बुकमा रेकर्ड राखेका हुन् । उनको रेकर्डले धेरैलाई आश्चर्यमा पारेको थियो ।
चार्ली बेल नामका एक व्यक्तिले एक घन्टासम्म २ स्क्वायर फिटको जिउँदो किरालाई मुखले उठाएर एउटा डब्बाबाट अर्को डब्बामा राखेका थिए । उनी पनि विश्व रेकर्ड कायम गर्न सफल भएका थिए ।
जर्मनीका जोएल मिग्लरले आफ्नो अनुहारमा मात्रै ११ वटा प्वाल पारेका छन् । उनको अनुहारमा रहेका प्वालमा सबैभन्दा ठूलो ३४ मिलीमीटरको रहेको छ । उनले २०१४ मा विश्व रेकर्ड राखेका थिए ।
मेडेलिन नामक एक ल्याबकी कर्मचारीले आफ्नो १५ वर्षको करिअरमा ५६०० दुर्गन्धित खुट्टा र काखी सुँघेर रेकर्ड बनाएकी थिइन् ।
सन् २००७ मा फिन केहलर नामको ११ वर्षीया बालकले आफ्नो अनुहारमा १० सेकेन्ड सम्म ४३ वटा चिप्ले किरा राखेर विश्व रेकर्ड राखेका थिए ।
No comments:
Post a Comment